معروف امریکی ماڈل جیجی حدید نے فلسطین اور اسرائیل کے درمیان جاری جنگ پر خاموشی توڑ دی۔
معروف امریکی سپر ماڈل جیجی حدید نے فوٹو اینڈ شیئرنگ ایپ انسٹاگرام پر فلسطین اور اسرائیل کے درمیان جاری جنگ میں ملوث دونوں ممالک سے تعزیت کا اظہار کیا ہے۔
فلسطینیوں کی سرگرم حامی سپر ماڈل نے جاری بیان میں کہا کہ معصوم لوگوں کو دہشت زدہ کرنا ’ آزاد فلسطین‘ تحریک کے ساتھ مطابقت نہیں رکھتا ہے، اس جنگ کا کوئی فائدہ نہیں ہے۔
انہوں نے کہا کہ اس اقدام نے انتقامی کارروائیوں کو ہوا دی ہے، اس جنگ میں بے گناہ شہری وہ فلسطینی ہو یا اسرائیلی، کوئی بھی جانی نقصان کا مستحق نہیں ہے۔
جیجی حدید کا فلسطینی اور یوکرینی عوام کیلیے بڑا اعلان
جیجی حدید کا کہنا تھا کہ ’’میں آج اپنے پیاروں، فلسطینی اور یہودی دونوں کے ساتھ اپنی تعزیت کا اظہار کر رہی ہوں، آپ جو بھی ہیں جہاں بھی ہیں میں آپ کو اپنا پیار بھیج رہی ہوں‘‘۔
ماڈل کا کہنا تھا کہ بہت سارے پیچیدہ، ذاتی اور درست احساسات ہیں، لیکن ہر انسان بنیادی حقوق علاج اور تحفظ کا مستحق ہے۔
View this post on Instagram
انہوں نے مزید کہا کہ میں جانتی ہوں کہ میرے الفاظ ان لوگوں کے لیے کافی نہیں ہوں گے کہ ان کے گہرے زخموں کو بھر دیں لیکن میں ہمیشہ معصوم جانوں کی حفاظت کے لئے دعا کرتی ہوں۔