لارڈز: انگلینڈ نے بھارت کو دوسرے ٹیسٹ میچ میں بھی اننگز اور 159 رنز سے شکست دے کر پانچ میچوں کی سیریز میں 2-0 کی برتری حاصل کرلی ہے۔
تفصیلات کے مطابق گھر کے شیر گھر سے باہر ڈھیر ہوگئے، کوہلی الیون انگلش سرزمین پر ایک اور بار سے دوچار ہوگئی، بھارتی ٹیم اننگز اور 159 رنز سے میچ ہار گئی۔
انگلینڈ نے پہلی اننگز 396 رنز پر ڈیکلیئر کی تھی، کرس ووکس نے شاندار 137 رنز کی اننگز کھیلی، انگلینڈ کو بھارت پر 289 رنز کی برتری حاصل ہوئی، خسارے میں جانے والی بھارتی ٹیم دوسری اننگز میں بھی کچھ نہ کرپائی۔
انگلش ٹیم کے آل راؤنڈر کرس ووکس کو میچ میں آل راؤنڈ کارکردگی پر مین آف دی میچ کا ایوارڈ دیا گیا۔
What a sight this is!! 🙌
Scorecard & Clips: https://t.co/QaHxVc4jQO#ENGvIND pic.twitter.com/344XGvPlBk
— England Cricket (@englandcricket) August 12, 2018
بھارت کی جانب سے روی چندر ایشون 33 رنز کے ساتھ ناقابل شکست رہے، تاہم انگلش بولرز کی جانب سے جیمز اینڈرسن اور اسٹیورٹ براڈ نے 4،4 شکار کیے جبکہ کرس ووکس کے حصے میں دو وکٹیں آئیں۔
قبل ازیں میچ میں انگلینڈ نے ٹاس جیت کر پہلے فیلڈنگ کا فیصلہ کیا جو ان کے حق میں گیا اور جیمز اینڈرسن کی تباہ کن بولنگ کی بدولت بھارتی ٹیم 107 رنز پر ڈھیر ہوگئی تھی۔
What a jaffa! 💯 wickets at Lord's for @jimmy9! 🙌
Scorecard/Videos: https://t.co/QaHxVc4jQO#ENGvIND pic.twitter.com/F51SU5EzMg
— England Cricket (@englandcricket) August 12, 2018
یاد رہے کہ دونوں ٹیموں کے درمیان سیریز کا تیسرا ٹیسٹ میچ 18 اگست کو ناٹنگھم میں کھیلا جائے گا میچ پاکستانی وقت کے مطابق سہ پہر 3 بجے شروع ہوگا۔
خیال رہے کہ پانچ ٹیسٹ میچوں کی سیریز کے پہلے میچ میں بھی انگلینڈ نے دلچسپ مقابلے کے بعد بھارت کو 31 رنز سے شکست دی تھی۔