راولپنڈی: ڈی جی آئی ایس پی آر میجر جنرل عاصم باجوہ کا کہنا ہے قوم متحد ہے دشمن کسی غلط فہمی میں نہ رہے میلی آنکھ سے دیکھا تو چھوڑیں گے نہیں۔
پوری قوم آج دفاع پاکستان کی گولڈن جوبلی منا رہی ہے،جی ایچ کیو میں ریہرسل تقریب کے دوران ڈی جی آئی ایس پی آر نے میڈیا سے گفتگو میں قوم کو یوم دفاع کی مبارک باد پیش کی۔
اس موقع میجر جنرل عاصم سلیم باجوہ کا کہنا تھا پاک فوج کے عزم میں کسی طور کمی نہیں آسکتی ملک کا دفاع کرتے رہیں گے۔
- Advertisement -
ڈی جی آئی ایس پی آر نے کہا کہ سیکیورٹی فورسز دہشت گردوں کا تیزی سے صفایا کر رہی ہیں، دہشت گردوں کے خلاف جنگ بھرپور طریقے سے جاری رہے گی۔
ڈی جی آئی ایس پی آر نے یوم دفاع کے موقع پر ہونے والی تقاریب کی تفصیل بھی بتائی میجر جنرل عاصم باجوہ کے مطابق یوم دفاع پاکستان پر آرمی چیف بھی خطاب کرینگے۔
