پاکستان ایئرفورس نے یومِ آزادی کے موقع لہو گرمانے والا نیا نغمہ’آزاد‘ریلیز کردیا ہے، نغمے ساحر علی بھگا نے گایا ہے۔
تفصیلات کے مطابق پاک فضائیہ کی جانب سے جاری کردہ نغمہ’آزاد‘کی موسیقی ساحر علی بھگا نے ترتیب دی ہے اور انہوں نے ہی اپنی آواز کا جادو بھی جگایا ہے۔
نغمے کے بول رضا جعفری نے تحریر کیے ہیں اوراس میں مادروطن کی سالمیت کی حفاظت کے لبے پاک فضائیہ کے جوانوں کی بے لوث قربانیوں کی عکاسی کی گئی ہے۔
پاک فضائیہ کی جانب سے جاری کردہ اس نغمے کی ویڈیو میں دکھایا گیا ہے کہ کس طرح اس ملک کے شاہینوں نے نسل در نسل اپنی آزاد فضاؤں کی حفاظت کے لیے قربانیاں دی ہیں۔
نغمے کے بول ہیں ۔۔ ’’آزاد رہے تیرا خواب ہمیشہ ، آزاد تو کر پرواز ہمیشہ‘‘، یقیناً یہ نغمہ شاہینوں کے دلوں کو گرمانے کے لیے بے مثال ہے۔
اس سے قبل پاک فضائیہ کی جانب سے یوم پاکستان کے موقع پر نغمہ جاری کیا گیا ،احسان عباس کی جانب سے تخلیق کئے گئے نغمے کو گلوکار عاطف اسلم نے گایا تھا۔
