راولپنڈی : پاک فوج نے فضائی حدود میں داخل ہونے والے بھارتی جاسوس ڈرون کو مارگرایا، چری کوٹ سیکٹر میں آنے والا ڈرون تحویل میں لے لیا گیا۔
پاک فوج کے شعبہ تعلقات عامہ آئی ایس پی آر کے مطابق پاک فوج نے چری کوٹ سیکٹر میں پاکستانی فضائی حدود اور ایل او سی کی خلاف ورزی کرنے پر بھارتی فوج کے جاسوس ڈرون کو مار گرایا ہے۔
- Advertisement -
بھارتی فوج کا ڈرون طیارہ جیسے ہی پاکستانی حدود میں داخل ہوا تو پاک فوج نے فوری کارروائی کرتے ہوئے اسے گرا کر اس کا ملبہ اپنی تحویل میں لے لیا۔
یاد رہے کہ پاکستان نے اس سے قبل ایک سال کے دوران چوتھا بھارتی ڈرون گرایا ہے۔ گزشتہ سال ماہ اکتوبر میں بھی پاک فوج نے پاکستانی حدود میں ایل او سی کے علاقے رکھ چکر ی سیکٹر میں داخل ہونے والا بھارتی ڈرون طیارہ مار گرایا تھا۔
