گنیز ورلڈ ریکارڈ میں پاکستان کا نام روشن کرنے والے مکس مارشل آرٹس راشد نسیم نے ایک اور اعزاز اپنے نام کرلیا۔
مکس مارشل آرٹس راشد نسیم نے نن چکو سے بوتل کیپ کھولنے کا عالمی ریکارڈ اپنے نام کرلیا۔
راشد نسیم نے مقابلے میں ایک مرتبہ پھر چین کو ریکارڈ سے محروم کر دیا ہے، گنیز بک ورلڈ ریکارڈ نے ای میل کے ان کے اس ریکارڈ کی تصدیق کر دی۔
- Advertisement -
راشد نسیم نے 8.79 سیکنڈ میں 10 پانی کی بوتلوں کو کھول کر ریکارڈ قائم کیا، چین کے یوئی ہیچاون نے 11.85 سیکنڈ میں ریکارڈ بنایا تھا۔
یاد رہے کہ راشد نسیم پاکستان کے مشہور مارشل آرٹس ماسٹر ہیں اور پاکستان کے نام پر گنیز بک آف ورلڈ ریکارڈ میں متعدد ریکارڈز درج کراچکے ہیں، وہ بھارت کے پندرہ سے زائد ریکارڈ توڑنے کا سہرا بھی ان ہی کے سر ہے۔
