اسلام آباد : مخصوص نشستوں سے متعلق کیس کا معاملہ ججز کمیٹی کو بھجوادیا گیا، کمیٹی لارجر بینچ تشکیل دینے یا موجودہ بینچ کے سماعت کا فیصلہ کرے گی۔
تفصیلات کے مطابق سپریم کورٹ نے مخصوص نشستوں سے متعلق کیس کا معاملہ ججز کمیٹی کو بھجوا دیا، ججز کمیٹی فیصلہ کرے گی لارجر بینچ تشکیل دیا جائے گا یا موجودہ بینچ سماعت کرے گا۔
عدالت نے کہا کہ ممبران کےابتک ڈالے گئے ووٹ ، قانون سازی میں رائےمعطل تصورنہیں ہوگی اور سپریم کورٹ کےحکم کا اطلاق ماضی سےنہیں بلکہ اب سےہوگا۔
سپریم کورٹ کا کہنا تھا کہ کیس کی سماعت 3جون سے روزانہ کی بنیاد پر ہوگی.
اٹارنی جنرل نےپریکٹس اینڈپروسیجر ایکٹ کے تحت لارجر بینچ کی استدعا کی اور فیصلے میں متناسب نمائندگی میں اضافی ارکان کا لفظ لکھنے پر اعتراض کرتے ہوئے کہا کہ ابھی عدالت نےیہ فیصلہ کرناہےکہ متناسب نمائندگی تھی یا نہیں۔
عدالت نے اٹارنی جنرل کی استدعا پر متناسب نمائندگی کا لفظ حکم نامہ سے نکال دیا ، جسٹس منصور علی شاہ نے کہا کہ عدالتی تاریخ میں پہلی بارآرٹیکل 51 کی تشریح کا کیس آیا ہے۔
