کراچی:شہر میں سمندری ہوائیں معطل ہوگئیں اور صبح کے وقت ہی درجہ حرات 32 ڈگری سینٹی گریڈ تک پہنچ گیا۔
تفصیلات کے مطابق کراچی میں گرمی کی شدت برقرار ہے، شہر میں سمندری ہوائیں معطل ہونے سے صبح سویرے موسم گرم ہوگیا۔
صبح کے وقت ہی درجہ حرات 32 ڈگری سینٹی گریڈ تک جا پہنچا، شہر میں آج موسم شدید گرم اور مرطوب رہے گا۔
محکمہ موسمیات کا کہنا ہے کہ زیادہ سےزیادہ درجہ حرارت 37ڈگری سینٹی گریڈ تک جانےکا امکان ہے تاہم گرمی کی شدت 40 سے 42 ڈگری سینٹی گریڈ تک محسوس کی جائے گی۔
موسمیات نے خبردار کیا ہے کہ شہر میں ہوا میں نمی کا تناسب زیادہ ہونے کی وجہ سے گرمی کی شدت زیادہ محسوس ہوگی۔
چیف میٹرولوجسٹ سردار سرفراز نے بتایا کہ کراچی میں اگلے 3روز تک گرمی کی لہر برقرار رہنے کا امکان ہے۔
سردار سرفراز کا کہنا تھا کہ گرمی کی شدت 38 سے 40 ڈگری تک محسوس کی جائے گی تاہم آئندہ 10روز تک ہیٹ ویوو کا کوئی امکان نہیں۔
.
