ممبئی: اداکارہ جیا خان خود کشی کیس میں بری ہونے والے سورج پنچولی ایک بار پھر بالی ووڈ میں واپسی کیلئے تیار ہیں۔
بھارتی میڈیا کے مطابق حال ہی میں اداکار سورج کو ’ہیرامنڈی‘ کے پریمیر میں اپنی ساتھی اداکارہ اکانکشا شرما کے ساتھ دیکھا گیا، پریمیر کی نمائش کے بعد انہوں نے اپنی نئی فلم سے متعلق اعلان کیا ہے۔
بھارتی میڈیا کے مطابق اداکار سورج پنچولی جلد ہی فلموں میں ایکشن اور تفریح فراہم کرتے نظر آئیں گے، انہوں نے انڈسٹری میں واپسی کے بارے میں بات کرتے ہوئے کہا کہ ’’میں بلآخر آگے بڑھ گیا ہوں، اب مجھ پر کوئی قانونی پابندی نہیں ہے، اس لئے کوئی ذہنی تناؤ بھی نہیں ہے‘‘۔
View this post on Instagram
اداکار سورج نے کہا کہ میں سیٹ پر واپس آکر خوش ہوں، یہ فلم ایک بایوپک ہے، سب سے بہادر ہندوستانی جنگجو جس نے سومناتھ مندر کی جنگ لڑی اور اس کی حفاظت کی، میں اس میں ایک جنگجو کا کردار ادا کر رہا ہوں۔
انہوں نے انڈسٹری میں واپسی سے متلعق کہا کہ مجھے واپسی کی کوئی جلدی نہیں تھی، میں ہر فلم میں مختلف کردار نبھانا چاہتا ہوں، میں صرف ایک فنکار کے طور پر ترقی کرنا چاہتا ہوں اور ہر بار اپنا بہترین پرفارمنس دینا چاہتا ہوں۔
جیا خان خودکشی کیس میں 10 سال پرانے خط کی حقیقت سامنے آگئی
واضح رہے کہ سورج پنچولی نے اپنے کیرئیر کا آغاز 2015 میں فلم ’ہیرو ‘ سے اتھیا شیٹی کے ساتھ کیا، سلمان خان کی پروڈیوس کردہ اس فلم میں انہیں فلم فیئر ایوارڈ سے نوازا گیا، اس کے علاوہ وہ فلم ’’سیٹیلائٹ شنکر‘‘ میں کام کر چکے ہیں۔
خیال رہے کہ جیا خان نے 2013 میں خود کو پھندہ لگا کر خودکشی کرلی تھی اور اپنے آخری خط میں سورج پنچولی پر زندگی تباہ کرنے کا الزام عائد کیا تھا۔
سورج پر 2018 میں باقاعدہ فرد جرم عائد کی گئی تھی لیکن سورج پنچولی نے الزامات سے انکار کیا تھا تاہم انہیں 2023 میں بھارت کے تحقیقاتی ادارے ( سی بی آئی) کی خصوصی عدالت نے 10 سال بعد اداکار سورج پنچولی کو اداکارہ جیا خان کی خود کشی کے کیس میں بے قصور قرار دے دیا تھا۔
View this post on Instagram
اداکار سورج پنچولی بالی ووڈ کے سینئر اداکار ادیتیا پنچولی اوراداکارہ زرینہ وہاب کے بیٹے ہیں۔
