کراچی: شہر قائد میں نامعلوم ٹارگٹ کلرز نے ایک ایسے شہری کو نشانہ بنایا جس کا ذہنی توازن بھی ٹھیک نہیں تھا۔
تفصیلات کے مطابق کراچی کے علاقے سرجانی ٹاؤن سیکٹر 10 میں فائرنگ سے جاں بحق شخص کی شناخت سید ساجد حسین کے نام سے ہوئی ہے۔
پولیس حکام کا کہنا ہے کہ نامعلوم موٹر سائیکل سواروں نے ٹارگٹ کر کے ساجد حسین کو قتل کیا ہے، جب کہ مقتول کا ذہنی توازن ٹھیک نہیں تھا، اور وہ سیکٹر 10 کا ہی رہائشی ہے۔
- Advertisement -
پولیس کا کہنا ہے کہ مقتول ساجد حسین سے کوئی چیز نہیں چھینی گئی ہے، اور ورثا کا کہنا ہے کہ مقتول کی کسی سے دشمنی بھی نہیں تھی۔ پولیس حکام اس قتل کیس کی مختلف پہلوؤں سے تحقیقات کر رہے ہیں۔
