واشنگٹن: امریکی طبی ماہرین نے کہا ہے کہ جسم پر ٹیٹو بنوانے سے ہیپاٹائٹس ہونے کے امکانات بڑھ جاتے ہیں۔
یونیورسٹی لنیگون میڈیکل سینٹر میں ہونے والی تحقیق میں یہ بات سامنے آئی ہے کہ جسم پر مشینی آرٹ کے ذریعے مختلف قسم کے ٹیٹو بنوانے سے ہیپاٹائٹس ہونے کے امکانات میں اضافہ ہوتا ہے، جس سے جگر کے کینسر کا خطرہ بھی لاحق ہو سکتا ہے۔
امراض کو کنٹرول کرنے والے امریکی سینٹر کی رپورٹ کے مطابق 3.2ملین امریکی بے احتیاطی کی وجہ سے ہیپاٹائٹس اور دوسری مختلف بیماریوں کا شکار ہیں۔
- Advertisement -
نیو یارک لینگون میڈیکل سینٹر کے فرتزفرینکوئس نے خبردار کیا ہے کہ ہیپاٹائٹس ہونے سے جگر کا کینسر لاحق ہونے کے 70فیصد چانسز بڑھ جاتے ہیں، لہٰذا ایسے مشغلوں سے اجتناب کرنا چاہیے۔
