اسلام آباد: وزیراعظم عمران خان کا کہنا ہے کہ عوام کرونا جیسی آفت سے نمٹنے کی تحریک میں ہمارا ساتھ دے۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ کرونا وائرس پر عوام آگے بڑھنا صورت حال کا تقاضا ہے۔
وزیراعظم نے کہا کہ عوام کرونا جیسی آفت سے نمٹنے کی تحریک میں ہمارا ساتھ دے، کسی حکومتی فرمان کا انتظار کیے بغیر خود کوگھروں تک محدود رکھیں۔
صورتحال کاتقاضا ہے کہ عوام آگے بڑھیں اور اپنے ہم وطنوں کو کرونا جیسی آفت سے محفوظ بنانے کی تحریک میں ہمارا ہاتھ بٹاتے ہوئے کسی حکومتی فرمان کا انتظار کئے بغیر ہی اپنے آپ کو ازخود گھروں تک محدود رکھیں اور رضاکارانہ لاک ڈاؤن کی راہ اختیار کریں کیونکہ
"جو محدود ہے۔۔۔وہ محفوظ ہے"
— Imran Khan (@ImranKhanPTI) March 22, 2020
وزیراعظم پاکستان نے اپنے پیغام میں مزید کہا کہ عوام رضاکارانہ لاک ڈاؤن کی راہ اختیار کریں، جو محدود ہے وہ محفوظ ہے۔
چین کی طرح ہم بھی وبا کو شکست دے سکتے ہیں، عوام حکومت پر اعتماد رکھے: وزیر اعظم
اس سے قبل وزیر اعظم عمران خان نے قوم سے خطاب کرتے ہوئے کہا کہ ملک میں بحث چل رہی ہے کہ لاک ڈاؤن کر دینا چاہیئے، مکمل لاک ڈاؤن کا مطلب ہے شہریوں کو گھر میں بند کر کے پولیس اور فوج پہرا دے۔
وزیر اعظم عمران خان کا کہنا تھا کہ مکمل لاک ڈاؤن نہیں کرسکتے، 25 فیصد پاکستانی غربت کی لکیر سے نیچے ہیں، لاک ڈاؤن کر دیا تو ان کا کیا بنے گا۔