پھالیہ: پاک فضائیہ کاطیارہ آگ لگنےسےتباہ، دوافسران شہید

پھالیہ میں پاکستان ایئر فورس کا طیارہ آگ لگنے کے باعث فضاءمیں پھٹ گیا، طیارہ میں سواردو افسران شہید ہوگئے۔

پاکستان ایئر فورس کا طیارہ معمول کی پرواز پر سرگودھا سے روانہ ہوا جس میں ونگ کمانڈر جمال اکبر آفریدی اور فلائنگ آفیسر سعد سلیما ن سوار تھے پرواز سے تھوڑی ہی دیر بعد جب طیارہ پھالیہ کے علاقہ فرخ پور بھٹیاں کے نزدیک پہنچا تو انجن میں آگ لگنے کی وجہ سے طیارہ فضاءمیں ہی پھٹ گیا۔

طیارے کا ملبہ 20ایکڑ کے رقبہ پر گرا جبکہ دونوں افسران شہید ہوگئے، اطلاع ملنے پر ریسکیو 1122، اسسٹنٹ کمشنر پھالیہ ضمیر حسین، ڈی ایس پی پھالیہ لعل محمد کھوکھر اور پولیس کی بھاری نفری موقع پر پہنچ گئے اور امدادی کارروائیاں شروع کردیں۔

Comments