کراچی : شہر قائد میں نالوں کی صفائی کیلئے 1 ارب روپے مانگ لیے گئے تاہم محکمہ خزانہ نے سمری اعتراض لگا کر واپس کردی۔
تفصیلات کے مطابق محکمہ بلدیات سندھ نے حکومت سے نالوں کی صفائی کیلئے 1 ارب روپے مانگ لیے۔
محکمہ خزانہ نے محکمہ بلدیات کی سمری پر اعتراض لگادیے اور کہا کے ایم سی اورڈی ایم سیز کے بجٹ میں پہلے ہی 15 فیصد رقم بڑھائی تھی اور گزشتہ سال نالوں کی صفائی کے لیے 63 کروڑ روپے دیے تھے۔
- Advertisement -
محکمہ خزانہ کا کہنا تھا کہ راستوں کی مرمت ، تعمیر کیلئےڈیڑھ ارب بھی دیےگئے، کے ایم سی اور ڈی ایم سیزنالے اپنےوسائل سے صاٖف کراسکتےہیں۔
محکمہ بلدیات کی1ارب روپے کی سمری پر محکمہ خزانہ نے اعتراض لگا کر واپس کردیا اور کہا مالی مشکلات ہیں مزید1ارب دینے سے مشکلات میں اضافہ ہوگا۔