بھارت میں بندر نے والدین سے چھین کر شیر خوار بچے کو مار ڈالا۔
بھارتی میڈیا رپورٹس کے مطابق یہ افسوسناک واقعہ ریاست اترپردیش کے شہر بریلی کے دیہی علاقے میں پیش آیا جہاں بندر نے ایک جوڑے کا چار ماہ بچہ ان کی آنکھوں کے سامنے چھت سے نیچے پھینک دیا۔
جوڑا 4 ماہ کے بچے کے ہمراہ عمارت کی چھت پر چہل قدمی کر رہا تھا کہ اسی دوران بندروں کا ایک جھنڈ بھی چھت پر آگیا۔
جوڑا اچانک چھت پر پہنچنے والے بندروں کو دیکھتے ہی سیڑھیوں سے بھاگنے لگا اور اس دوران والد کی گود سے 4 ماہ کا بچہ گرگیا۔
والد 25 سالہ نردیش جیسے ہی بچے کو اٹھانے کے لیے جھکا ایک بندر نے ان کے سامنے جھپٹ کر بچہ اٹھایا اور چھت سے نیچے پھینک دیا۔
رپورٹ کے مطابق حادثے کے نتیجے میں معصوم بچے نے موقع پر ہی دم توڑ دیا۔
بریلی کے چیف کنزرویٹر آف فاریسٹ للت ورما نے کہا کہ واقعے کی اطلاع ملی ہے اور محکمہ جنگلات کی ایک ٹیم کو تحقیقات کے لیے روانہ کردیا گیا ہے۔
