بھارت میں جاری علاقائی کرکٹ ٹورنامنٹ وجے ہزارے ٹرافی کے میچ میں بیٹر رتو راج گائیکواڈ نے ایک اوور میں 7 چھکے لگا کر منفرد کارنامہ انجام دے دیا۔
یہ میچ تھا وجے ہزارے ٹرافی کا سیمی فائنل جس کو مہاراشٹر کے کپتان رتو راج گائیکواڈ نے اپنی ناقابل یقین کارکردگی کی بدولت یادگار بنا لیا اور ساری دنیا اس نوجوان کی صلاحیتوں کی معترف ہوگئی اور اس ریکارڈ ساز کارنامے پر بیٹر کا نام سوشل میڈیا پر ٹاپ ٹرینڈز میں شامل ہوگیا۔
پیر کو وجے ہزارے ٹرافی کے سیمی فائنل میں مہاراشٹر کے کپتان رتو راج گائیکواڈ نے اتر پردیش کے خلاف ڈومیسٹک ون ڈے میچ کے 49 ویں اوور کے شیوا سنگھ کو مسلسل سات چھکے مارے۔ اس اوور میں شیوا سنگھ نے ایک نو بال بھی کرائی تھی جس کی وجہ سے اس اوور میں سات بار گیند پھینکی گئی۔
6 6 6 6 6nb 6 6 in an over from Ruturaj Gaikwad 🔥
(via @BCCIdomestic) pic.twitter.com/tlFZjj7hnA
— ESPNcricinfo (@ESPNcricinfo) November 28, 2022
گائیکواڈ نے اس میچ میں اپنی جارحانہ بلے بازی کی دھاک بٹھائی اور 159 گیندوں پر 220 رنز کی ناقابل شکست اننگ کھیلی جس میں 16 چھکے اور 10 چوکے شامل تھے۔ اس کے ساتھ ہی نوجوان کھلاڑی کسی بھی فارمیٹ میں ایک ہی اوور میں 43 رنز بنانے والے دنیا کے پہلے کھلاڑی بھی بن گئے ہیں۔
SEVEN sixes in the over 🤯
Ruturaj Gaikwad becomes the FIRST batter in limited-overs cricket to score 43 runs in a single over 🔥 #VijayHazareTrophy
— ESPNcricinfo (@ESPNcricinfo) November 28, 2022
یاد رہے کہ 25 سالہ رتو راج گائیکواڈ بھارتی قومی اسکواڈ کا بھی حصہ رہے ہیں اور وہ اب تک ایک ون ڈے اور ایک ٹی 20 انٹرنیشنل میچ کھیل چکے ہیں جب کہ انڈین پریمیئر لیگ میں وہ چنائی سپر کنگ کی نمائندگی کرتے ہیں۔
