اسلام آباد : وفاقی دارلحکومت اسلام آباد میں پولیس اہلکاروں پر حملہ کرکے ملزم کو چھڑوانے والے نو غیرملکی باشندوں کو گرفتار کرلیا گیا۔
تفصیلات کے مطابق اسلام آباد میں پولیس اہلکاروں پر حملے میں ملوث نو غیرملکی باشندوں گرفتارکرلیا گیا، ایف آئی آر میں بتایا گیا کہ تھانہ شالیمار کی حدود میں پولیس نے مشکوک گاڑی کو روکا، جس پر کار سوار کے دس سے پندرہ ساتھیوں نے پولیس اہلکاروں پرحملہ کردیا۔
حملے کی ویڈیووائرل ہونے کے بعد پولیس نے نو نائیجیرین باشندوں ک وکارسرکارمیں مداخلت سمیت چار دفعات کے تحت مقدمہ درج کرکے گرفتار کرلیا۔
- Advertisement -
ترجمان پولیس نے بتایا کہ ویڈیو اسلام آباد کے صدر زون کی ہے، واقع تقریبا ایک ہفتہ پرانا ہے، لڑنے والے غیر ملکی نائجیرین ہیں، جو ڈرگ اسمگلر ہیں۔
