ٹائٹینک کا ملبے دیکھنے کیلئے جانے والی آبدوز میں مرنے والے شہزادہ داؤد کی بہن نے انکشاف کیا ہے کہ 19 سالہ بھتیجا سلیمان ٹائٹینک کی باقیات دیکھنے کے سفر سے خوفزدہ تھا، وہ والد کو خوش کرنے کی خاطر سفر میں شریک ہوا تھا۔
تفصیلات کے مطابق ٹائٹینک کا ملبے دیکھنے کیلئے جانے والی آبدوز کے سیاحوں میں شامل شہزادہ داؤد کے خاندان کی جانب سے شہزادہ داؤد اور سلیمان داؤد کی ہلاکت کی تصدیق کردی گئی۔
داؤد فیملی نے ٹائٹین آبدوز میں موجود شہزادہ داؤد اور سلیمان داؤد کی وفات پر اظہار افسوس کرتے ہوئے کہا کہ دیگر مسافروں کے خاندانوں سے بھی اظہار افسوس کرتے ہیں۔
خاندان نے اپنے پیغام میں سرچ آپریشن میں حصہ لینے والوں کا شکریہ ادا کیا اور کہا وفات پانے والوں اور ہمارے خاندان کو دعاؤں میں یاد رکھیں۔
داؤد فیملی کی جانب سے کہا گیا کہ شہزادہ داؤد اور سلیمان داؤد کی آخری رسومات کا جلد اعلان کیا جائے گا۔
— Dawood Foundation (@DawoodTdf) June 22, 2023
بی بی سی کو دیے گئے بیان میں خاندان نے کہا ’اس نوعیت کے کسی بھی سانحے کی طرح اس نے بھی لوگوں کے بہترین اور بھیانک کردار کو عیاں کیا۔‘
برطانوی میڈیا کے مطابق پھوپھی کا کہنا ہے کہ بھتیجا سلیمان فادرز ڈے پر والد کو خوش کرنے کی خاطر سفر میں شریک ہوا اور انکشاف کیا کہ سلیمان ٹینک کی باقیات دیکھنے کے سفر سے خوفزدہ تھا۔
