کراچی / نوشہروفیروز : صوبائی اسمبلی سندھ کی تین نشستوں پر ضمنی انتخابات میں پولنگ کا وقت ختم ووٹوں کی گنتی کا عمل جاری۔
تفصیلات کے مطابق آج صوبائی اسمبلی کی تین نشستوں پی ایس 106، پی ایس 117 اور پی ایس 22 پر ضمنی انتخابات منعقد کیے گئے تھے، جس میں کراچی کے دو حلقے اور اندرونِ سندھ نوشہروفیروز کا ایک حلقہ شامل ہے۔
الیکشن کمیشن کی ہدایات کی روشنی میں پولنگ کے دوران کراچی کے دونوں حلقوں میں امن و امان کی صورتحال کو یقینی بنانے کے لیے رینجرز اور پولیس کو خصوصی اختیارات دیتے ہوئےاضافی نفری تعینات کی گئی تھی، تینوں حلقوں میں دورانِ ووٹنگ صورتحال بہتر رہی اور عوام نے اپنا حق رائے دہی استعمال کیا۔
- Advertisement -
مزید پڑھیں : کراچی : پی ایس 106،پی ایس 117پر ضمنی انتخاب، پولنگ جاری
حلقہ پی ایس 117 میں ایم کیو ایم کے قمبر عباس، پی پی کے جاوید مقبول اور تحریک انصاف کے رفاقت عمر سمیت 10 امیدوار مد مقابل ہیں جبکہ پی ایس 106کی نشست پر ایم کیو ایم کے امیدوار محفوظ یار خان، پی ٹی آئی کے نصرت انوار اور پی پی کے سردارعبدالصمد سمیت 8 میدان میں ہیں، دیگر ازیں پی ایس 122 نوشہرو فیرو کی نشست پر پیپلزپارٹی کے ڈاکٹر عبدالستار اور ن لیگ کے امیدواروں میں سخت مقابلہ ہے۔
واضح رہے سیاسی جماعتوں کی درخواست پر ووٹوں کی گنتی کا عمل بھی رینجرز کی نگرانی میں جاری ہے۔
