کراچی: پاکستان سمیت دنیا بھر میں بچوں سے مشقت کیخلاف دن منایا جا رہا ہے لیکن وطن عزیز کے لاکھوں بچوں کو معلوم ہی نہیں کہ اس معاشرے میں ان کے بھی کچھ حقوق ہیں۔
آج بچوں سے جبری مشقت کے خلاف عالمی دن منایا جارہا ہے، اس دن کو منانے کا آغاز 1950ء سے کیا گیا۔
اس دن کومنانے کا مقصد بچوں کو جبری مشقت سے بچانا ہے اور انہیں تعلیم کے زیادہ سے زیادہ مواقع فراہم کرنا ہے تاکہ انہیں روشن مستقبل کی فراہمی یقینی بنائی جاسکے۔
- Advertisement -
اقوام متحدہ کے اعدادو شمارکے مطابق دنیا بھر میں ایک کروڑ 68 لاکھ سے زائد بچوں سے جبری مشقت لی جاتی ہے۔
آئینِ پاکستان کا آرٹیکل 11 سیکشن 3 کے تحت ملک میں 14 سال سے کم عمربچے کسی فیکٹری، کان یا ایسی جگہ ملازمت نہیں کرسکتے جو ان کے لئے جسمانی اعتبار سے خطرناک ثابت ہو۔
