پیرس: فرانسیسی خلاباز تھامس پیسکٹ نے خلا سے کراچی شہرکی جگ مگ کرتی ایسی تصویر اپنے کیمرے میں قید کی کہ دیکھنے والے دیکھتے رہ گئے۔
خلا میں موجود سائنسدان روزانہ نت نئی ایجادات کی تلاش میں سرکردہ رہتے ہیں، کیا آپ نے کبھی تصورکیا کہ آسمان کے پارجہاں اجرامِ فلکی‘ خلائی جہاز اور سیٹلائیٹس موجود ہیں۔ وہاں سے کراچی کیسا دکھائی دیتا ہے تو اس کا جواب خلا باز تھامس پیسکٹ نے دے دیا ہے۔
فرانسیسی خلابازاکثرخلا سے سماجی رابطے کی ٹوئٹر پر مختلف شہروں تصاویرشیئر کرتے ہیں لیکن اس بارتھامس پیسکٹ نے پاکستان کے سب سے اہم شہر کراچی کی خوبصورت تصویر شیئر کی، جو تاریکی میں مکڑی کا چمکتا ہوا جالے کا منظر پیش کررہی ہیں۔
تھامس پیسکٹ نے اپنے پیغام میں لکھا کہ بحیرہ عرب کے کنارے پر واقع دنیا کا ساتواں بڑا شہر کراچی رات کے وقت دلکش نظارہ پیش کررہا ہے۔
Karachi on the shores of the Arabian sea.. the largest city in Pakistan and 7th largest in the world! https://t.co/xgmmMJhXp1 pic.twitter.com/FHwzldHOAO
— Thomas Pesquet (@Thom_astro) February 21, 2017
کراچی کو روشنیوں کے شہر کے نام سے جانا جاتا ہے اور ملک کے بعض دیگر شہروں کے برعکس رات کی زندگی کیلئے مشہور ہے۔
اس سے قبل بھی فرانسیسی خلاباز نے خلاء سے سعودی عرب کے شہر جدہ کی دلکش تصویر شیئر کی تھی۔
The city of Jeddah, under some clouds coming from the red sea https://t.co/kQQdiWhvE6 #Proxima pic.twitter.com/LvXpKdClob
— Thomas Pesquet (@Thom_astro) February 20, 2017
