اسلام آباد : پاناما کیس کے خلاف نظرثانی کی اپیل کی سماعت کے لیے سپریم کورٹ آف پاکستان کا لارجر بینچ تشکیل دے دیا گیا۔

تفصیلات کے مطابق پاناما کیس کے خلاف نظرثانی درخواست پرسماعت کے لیے جسٹس آصف سعید کھوسہ کی سربراہی میں 5 رکنی لارجربینچ تشکیل دے دیا جبکہ سماعت کل ہوگی۔

سپریم کورٹ کے لارجر بینچ میں جسٹس آصف سعید کھوسہ، جسٹس گلزاراحمد، جسٹس اعجازافضل، جسٹس عظمت سعید اور جسٹس اعجازالاحسن بھی بینچ کا حصہ ہوں گے۔

سپریم کورٹ کے 3 رکنی بینچ نے آج پاناما کیس کے خلاف نظرثانی کی اپیل کی سماعت کے لیے لارجر بینچ کی سفارش کی تھی۔

سپریم کورٹ کا پاناما نظرثانی درخواستوں کولارجربینچ کےسامنے لگانےکا حکم

یاد رہے کہ گزشتہ روزسابق وزیراعظم نوازشریف کے بعد ان کے بچوں نے بھی سپریم کورٹ میں پاناما کیس کے فیصلے پرنظرثانی کی درخواست پرسماعت مؤخر کرنے کی اپیل کی تھی اورسماعت کے لیے پانچ رکنی لارجر بینچ تشکیل دینےکی استدعا کی تھی۔

پاناما کیس: وزیراعظم نوازشریف نا اہل قرار

واضح رہے کہ 28 جولائی کو سپریم کورٹ نے پاناما کیس کا فیصلہ سناتے ہوئے سابق وزیراعظم نوازشریف کو نااہل قرار دیا تھا اور وزیرخزانہ سمیت شریف خاندان کے خلاف نیب ریفرنس دائر کا حکم دیا تھا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments