لندن: لندن میں چاقوزنی کی وارداتوں میں اضافہ ہوگیا ہے، 24 گھنٹوں کے دوران نوجوان سمیت 2 افراد کو چاقو کے وار کرکے قتل کردیا گیا۔
تفصیلات کے مطابق مشرقی لندن کے علاقے فاریسٹ گیٹ میں چاقوزنی کی واردات میں نوجوان جان کی بازی ہارگیا، پولیس نے تحقیقات شروع کر دیں تاہم اب تک کوئی گرفتاری عمل میں نہیں آئی۔
برطانوی میڈیا کے مطابق نوجوان گینگ کلچر کا شکار ہورہے ہیں جبکہ لندن کے اسٹیشنوں پر مزید 200 پولیس اہلکاروں کو تعینات کردیا گیا ہے۔
لندن میں چاقو اور فائرنگ کے واقعے میں تیزی سے اضافہ ہوا ہے، رواں سال فروری کے مہینے میں 15 افراد کو چاقو کے وار سے قتل کردیا گیا تھا۔
لندن: چاقو زنی کی واردات میں خاتون قتل‘ ملزم گرفتار
خیال رہے کہ گزشتہ روز جنوبی لندن کے علاقے برکسٹن میں چاقو زنی کی واردات میں خاتون ہلاک ہوگئی تھی، پولیس نے واردات میں ملوث ملزم کو گرفتار کرلیا تھا۔
مشرقی لندن میں چاقو زنی کی 3 وارداتیں‘ 6 افراد زخمی
یاد رہے کہ رواں ماہ 6 اپریل کومشرقی لندن میں چاقو زنی کی تین وارداتوں میں 6 افراد زخمی ہوگئے تھے، پولیس نے وارداتوں میں ملوث 2 ملزمان کو گرفتار کرلیا تھا۔
لندن نے جرائم میں نیویارک کو پیچھے چھوڑ دیا
واضح رہے کہ برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا، لندن میں رواں سال چاقو زنی کی وارداتوں میں 50 افراد قتل ہوچکے ہیں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
