اوٹاوا: کینیڈا کے شہر سینٹ جان میں آئل ریفائنری میں خوفناک آگ بھڑک اٹھی جس کے نتیجے میں متعدد افراد زخمی ہوگئے۔
بین الاقوامی خبررساں ادارے کے مطابق کینیڈا کے شہر سینٹ جان میں آئل ریفائنری میں آگ بھڑک اٹھی ، آگ کے شعلے اور دھویں کے بادل دور دور تک دکھائی دئیے۔
آگ لگنے کے سبب متعدد افراد زخمی ہوگئے تاہم اسپتال انتظامیہ کا کہنا ہے کہ زخمی افراد کی حالت خطرے سے باہر ہیں اور ان کے زخم شدید نوعیت کے نہیں ہیں۔
Irving Oil refinery explosion captured on video by Sierra Sisk. pic.twitter.com/Z2YtbxAfJz
— Rachel Cave (@CaveRachel) October 8, 2018
آگ سے متاثر ہونے والی کمپنی کا کہنا ہے کہ آگ لگنے کی تحقیقات کررہے ہیں تاہم دھماکوں اور آگ لگنے کی وجہ فوری طور پر سامنے نہیں آسکی ہے، متاثرہ ریفائنری سے یومیہ تین لاکھ بیس ہزار بیرل تیل کی پیداوار ہوتی ہے۔
ریفائنری کے قریب رہائش پذیر افراد کو گھروں میں رہنے کی ہدایت کی گئی ہے جبکہ مذکورہ سڑک کو ٹریفک کے لیے بند کردیا گیا ہے۔
