ریاض: سعودی شہزادہ البنداری بن عبدالرحمان بن فیصل بن عبدالعزیز السعود رضائے الٰہی سے انتقال کرگئے، دبئی کے ولی عہد نے سعودی فرمانروا شاہ سلمان سے ان کے انتقال پر افسوس کا اظہار کیا ہے۔
خلیج ٹائمز کی رپورٹ کے مطابق سعودی شہزادہ البنداری بن عبدالرحمان بن فیصل انتقال کرگئے، دبئی کے وزیراعظم اور نائب صدر نے سعودی فرمانروا شاہ سلمان سے شہزادے کے انتقال پر افسوس کا اظہار کرتے ہوئے شیخ خلیفہ نے دعائے مغفرت کی ہے۔
شیخ خلیفہ نے اپنے بیان میں کہا کہ اللہ تعالیٰ شہزادہ البنداری بن عبدالرحمان کے درجات بلند فرمائے اور ان کو جنت الفردوس میں اعلیٰ مقام عطا فرمائے۔
مزید پڑھیں: سعودی شہزادہ سعد بن فیصل بن عبدالعزیز انتقال کرگئے
دبئی کے نائب صدر اور وزیراعظم شیخ محمد بن راشد المکتوم، دبئی کے ولی عہد، شیخ محمد زید بن النہیان، ابوظبی کے ولی عہد، ڈپٹی سپریم کورٹ کمانڈر یو اے ای آرمی فورسز ودیگر نے بھی سعودی فرمانروا شاہ سلمان سے شہزادہ کے انتقال پر افسوس کا اظہار کیا ہے۔
شہزادہ البنداری بن عبدالرحمان کی نماز جنازہ گزشتہ روز بعد نماز عصر امام ترکی بن عبداللہ مسجد میں ادا کی گئی۔
واضح رہے کہ دو سال قبل سعودی شہزادہ بن فیصل بن عبدالعزیز السعود انتقال کرگئے تھے۔
