نئی دہلی: بھارتی ریاست اترپردیش میں پولیس آفسر کے سر پر جوئیں تلاش کرنے والے بندر کی ویڈیو وائرل ہوگئی۔
ڈیلی میل کی رپورٹ کے مطابق بھارت کی ریاست اترپردیش کے تھانے میں بندر نے انٹری دی اور 20 منٹ تک پولیس آفیسر کے سر پر بیٹھ کر جوئیں تلاش کرتا رہا جس کی ویڈیو سوشل میڈیا پر وائرل ہوگئی۔
رپورٹ میں مطابق دلچسپ واقعہ بھارتی ریاست اترپردیش کے شہر پلی بھت میں پیش آیا۔
بندر بھوکا تھا اور کھانے کی تلاش میں تھانے میں گھس گیا، پولیس آفیسر دی ویدی اپنے کام میں مصروف تھا کہ بندر ان کے کاندھے پر چڑھ گیا اور سر میں جوئیں تلاش کرتا رہا۔
عینی شاہدین کا کہنا ہے کہ بندر گزشتہ روز صبح تھانے میں داخل ہوا اور بیس منٹ تک موجود رہا۔
بندر جب بور ہوگیا تو وہ تھانے سے بھاگ نکلا اور تھانے سے باہر ایک درخت پر چڑھ گیا۔
واضح رہے کہ بھارت میں بندر کثیر تعداد میں موجود ہیں اس سے قبل بھارتی ریاست کرناٹک کے ایک گاؤں میں بندر نے بچہ چرانے کی کوشش کی جس کا منظر دیکھ کر والدین اور گاؤں والے حیران رہ گئے تھے۔
