کراچی: معروف شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس پر کافی متحرک نظر آتی اور اپنی ویڈیوز شیئر کرتی ہیں جن کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے۔
سوشل میڈیا صارفین اور خصو صاً مداح تصاویر اور ویڈیوز کو نہ صرف پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔
آج ہم بات کررہے ہیں معروف گلوکار سجاد علی کی جنہوں نے اپنے ماضی کے مقبول گانے ’میں بھی خریدار ہوں، میں بھی خریدوں گا، پیار کہاں بکتا ہے، پتا بتادو‘ گاڑی میں سفر کے دوران گنگنایا جس کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ سجاد علی خوش گوار موڈ میں ڈرائیونگ کررہے ہیں اور ساتھ ہی گانا بھی گنگنا رہے ہیں، مداحوں نے سجاد علی کی ویڈیو کو بے حد پسند کیا۔
Pyaar kahan bikta hai? Patta bata do. pic.twitter.com/zqxGqAXuUR
— Sajjad Ali (@sajjad_official) October 20, 2019
سجاد علی کی ویڈیو کو ساڑھے تین ہزار افراد نے پسند کیا، 635 افراد نے ری ٹویٹ کیا اور 179 افراد نے ان کی ویڈیو پر اپنی رائے کا اظہار کیا۔
واضح رہے کہ گزشتہ سال اگست میں پاکستانی گلوکار سجاد علی نے اپنے مداحوں کو معروف شاعر جون ایلیا کی شاعری پڑھنے کا مشورہ دیا تھا۔
گلوکار سجاد علی نے اپنے ریلیز ہونے والے گانے ’لگایا دل‘ کے بول کی مکمل ویڈیو جاری کی تھی جس میں اُن کا کہنا تھا کہ وقت کی کمی کے باعث گانے میں صرف پانچ اشعار پیش کیے گئے تھے البتہ اب آپ اُسے پورا سُن سکیں گے۔
