سان فرانسسکو: فیس بک نے اپنے پلیٹ فارم پر سیاسی اشتہارات کو جاری رکھنے اعلان کردیا، اس مہم کو تمام سیاستدان مخالفین کے خلاف بھی استعمال کرسکتے ہیں۔
تفصیلات کے مطابق فیس بک کو امریکا، برطانیہ اور یوریی ممالک کی جانب سے سیاسی اشتہارات کی وجہ سے ماضی میں شدید تنقید کا سامنا بھی کرنا پڑا ہے مگر ایک بار پھر کمپنی نے اشتہارات جاری رکھنے کا اعلان کردیا۔
فیس بک کی سیاسی اشتہاری پالیسی کو متنازع قرار دیا گیا البتہ اب کمپنی نے اسے برطانیہ تک پھیلانے کا اعلان کرتے ہوئے سیاست دانوں کو الیکشن کے دوران اشتہارات چلانے کی اجازت دے دی۔
مزید پڑھیں: ڈیٹا اسکینڈل: فیس بک 10 کروڑ 26لاکھ روپے جرمانہ ادا کرنے پر رضامند
امریکی نشریاتی ادارے کی رپورٹ کے مطابق برطانیہ کے سابق ڈپٹی وزیر اعظم اور فیس بک کے ملازم نک کلیگ نے اشتہاری پالیسی کی حمایت کی۔
یاد رہے کہ برطانیہ میں ہاؤس آف کامنز کے انتخابات آئندہ ماہ دسمبر میں منعقد کیے جائیں گے، اب سماجی رابطے کی ویب سائٹ نے تمام امیدواروں کو ہرقسم کے اشتہارات چلانے کی مکمل اجازت دے دی۔
