انقرہ: پاکستانی اداکارہ ماریہ واسطی نے نشانے بازی ’شوٹنگ‘ کے کھیل میں اپنی مہارت دکھا کر سب کو ورطہ حیرت میں مبتلا کردیا۔
تفصیلات کے مطابق تنزانیہ میں پیدا ہونے والی ماریہ واسطی نے نوے کی دہائی سے پاکستان کی ڈرامہ انڈسٹری پر راج کیا، انہوں نے بہت کم عرصے میں اداکاری کے جوہر دکھا کر اپنی صلاحیتوں کا لوہا منوایا۔
اداکارہ آج کل تفریح کی غرض سے ترکی میں موجود ہیں، انہوں نے گزشتہ دنوں پیرا گلائیڈنگ کا تجربہ کیا جس کی انہوں نے انسٹاگرام اکاؤنٹ پر ویڈیو شیئر کی تھی۔
گزشتہ روز وراسٹائل اداکارہ نے اپنے انسٹاگرام اکاؤنٹ پر نشانے بازی کی ویڈیو شیئر کی۔
ماریہ واسطی نے انسٹاگرام پر نشانے بازی کی ویڈیو شیئر کرتے ہوئے بتایا کہ اداکاری اور نشانے بازی قدرتی طور پر آتی ہے اور مجھے معلوم تھا کہ یہ میں کرسکتی ہوں۔
انہوں نے بتایا کہ رائفل سے ہدف کونشانہ بنانے پر مجھے 100 میں سے 100 جبکہ نائن ایم ایم سے 100 میں سے 95 نمبر دیے گئے۔ یاد رہے کہ نشانہ بازی کے کھیل میں حصہ لینے والے کھلاڑی یا کسی بھی شخص کو ٹارگٹ کو اچھے انداز سے نشانہ بنانے پر ماہر نمبرز دیتے ہیں۔
