ریاض : سعودی عرب میں سورج کے غروب ہونے کے بعد سورج دوبارہ طلوع ہو گیا، منظر دیکھ کر مغرب کی نماز پڑھ کر آنے والے حیرت زدہ رہ گئے۔
تفصیلات کے مطابق سعودی عرب کے مشرقی علاقے حفر الباطن کے شہری اس وقت حیران رہ گئے جب انہوں نے نماز مغرب کے بعد سورج کو وہیں سے دوبارہ طلوع ہوتے ہوئے دیکھا اور اس کی ویڈیوز بنالیں۔
اس منظر کو سوشل میڈیا پر بار بار شیئر کیا جاتا رہا، بعض لوگ یہ منظر دیکھ کر خوفزدہ بھی ہوئے اور سوشل میڈیا پر متعدد لوگوں کی طرف سے مختلف تاویلیں بھی پیش کی گئیں۔
طلوع الشمس بعد صلاة المغرب بعد غروبها واضاءة الأرض مرة أخرى pic.twitter.com/cjdwpCzHaU
— عاشق الوطن (@rakan79528535) November 30, 2019
ویڈیوز وائرل ہونے کے بعد محکمہ موسمیات نے اس راز سے پردہ اٹھا دیا، ماہر موسمیات کا کہنا تھا کہ بعض اوقات سورج غروب ہونے کے بعد اس کی شعائیں دوبارہ نظر آنا شروع ہوتی ہیں اور یوں لگتا ہے کہ جیسے سورج دوبارہ مغرب سے طلوع ہو رہا ہے اور یہ کوئی انہونی بات نہیں کیونکہ اس سے قبل بھی یہ منظر متعدد شہروں میں دیکھا جاچکا ہے۔
طلوع الشمس بعد صلاة المغرب pic.twitter.com/nnyFl432F5
— الحر (@el3gab2) August 5, 2019
ماہر موسمیات کے مطابق سورج غروب ہونے کے بعد اس کی شعائیں دوبارہ طلوع ہوتے نظر آنے کی دو وجوہات ہیں، پہلی یہ کہ زمین کے گرد فضائی تہہ انتہائی شفاف ہو اور دوسری یہ کہ افق میں رطوبت اور نمی کی شرح معمول سے زیادہ ہو۔
انہوں نے بتایا کہ جب یہ دو وجوہات جمع ہوتی ہیں تو ڈوبنے والے سورج کی شعاعیں اس پر پڑتی ہیں تو یہ آئینے کی طرح عکس دینے کا کام کرتے ہیں جس کے باعث یہ شعاعیں منعکس ہو کر زمین پر پڑتی ہیں۔
انہوں نے لوگوں کو مطمئن کرتے ہوئے کہا کہ ڈرنے کی کوئی بات نہیں، اگر ماحولیاتی اسباب جمع ہوجائیں تو بعض اوقات ایسا ہوجاتا ہے۔
