ریاض: سعودی عرب میں پراسیکیوشن جنرل کی جانب سے سخت ہدایات کے بعد تفتیشی ادارے مزید متحرک ہوگئے۔
عرب میڈیا کی رپورٹ کے مطابق سعودی عرب میں تفتیش کی غرض سے متعلقہ اداروں کے گھروں میں گھسنے سے متعلق سخت ہدایات سامنے آئی ہیں، پراسیکیوشن جنرل نے تفتیشی اداروں کے لیے مروجہ قواعد پر سختی سے عمل کرنے پر زور دیتے ہوئے کہا کہ تفتیش کی غرض سے گھرو ں میں بغیر وارنٹ داخل نہ ہوا جائے۔
رپورٹ میں کہا گیا ہے کہ صرف تین صورتوں میں تفتیشی ادارے گھروں میں بغیر اجازت گھس سکیں گے، ان میں پہلی صورت یہ ہے کہ گھر کے اندر سے اگر قانون نافذ کرنے والے ادارے کے اہلکاروں سے مدد طلب کی گئی ہو۔
سعودی عرب میں اے ٹی ایم لوٹنے والے ڈاکو سرگرم، پولیس بے بس
جبکہ دوسری حالت گھر میں کوئی حادثہ پیش آیا ہو یعنی آتشزدگی یا گھر گرنے وغیرہ کی صورت تو ایسے میں متعلقہ اداروں کے اہلکار بغیر بتائے گھر میں داخل ہوسکتے ہیں۔
اسی طرح تیسری صورت یہ ہوگی کہ اگر قانون نافذ کرنے والے ادارے کے اہلکار کسی دہشت گرد یا قانون کو مطلوب شخص کا تعاقب کررہے ہوں اوروہ گھر میں جاگھسے۔ سعودی پراسیکیوشن نے ان مروجہ قوانین پر سختی سے عمل کرنے کی ہدایت کی ہے۔
