نئی دہلی : وزیراعلی اروند کیجریوال نے مسلمانوں پرحملے روکنے میں ناکامی پر اپنی بے بسی کا اعتراف کرلیا اور کہا دلی کی صورتحال تشویشناک ہے ، مرکزی حکومت کوخط میں کرفیو کے نفاذ اورفوج طلب کرنے کا کہا ہے۔
تفصیلات کے مطابق وزیراعلی دہلی اروندکیجریوال آرایس ایس کے غنڈوں کو مسلمانوں پرحملوں سے روکنے میں ناکام ہیں ، اروند کیجریوال نے اپنی بے بسی کا اعتراف کرتے ہوئے اپنے بیان میں کہا دہلی کی صورتحال تشویشناک ہے، پولیس صورتحال پرقابونہ پاسکی، مرکزی حکومت کوخط میں کرفیو کے نفاذ اورفوج طلب کرنے کا کہا ہے۔
یاد رہے بھارتی دارالحکومت نئی دہلی میں صورتحال بدستور کشیدہ ہے ،امریکی صدر ڈونلڈ ٹرمپ کے دورے کے دوران دہلی میں آرایس ایس اور بی جے پی کے غنڈوں نے مسلم اکثریتی علاقوں میں 20 مسلمانوں کو قتل کردیا اور 190سے زائد زخمی ہے جبکہ درجنوں دکانوں،گھروں اورپٹرول پمپ کولوٹ مار کے بعد جلا ڈالا۔
مزید پڑھیں : نئی دہلی میں ہندوانتہاپسندوں کے حملے، 20 مسلمان شہید
بھارتی میڈیا کا کہنا تھا کہ زخمیوں میں متعددکی حالت نازک ہے ، جس کے باعث اموات میں اضافے کاخدشہ ہے، دہلی ہائی کورٹ نے حکم دیا ہے کہ دہلی پولیس عوام کے تحفظ کویقینی بنائے۔
دہلی کے5مسلم اکثریتی علاقوں میں کرفیونافذ کردیا گیا ہے اور اور پولیس کو ہنگامہ آرائی کرنے والوں کو دیکھتے ہی گولی مارنے کا حکم دے دیا ہے جبکہ نئی دہلی کے وزیر اعلی اروند کجریوال نے وزیر داخلہ اور لیفٹیننٹ گورنر سے امن کی اپیل کی اور کہا کہ قانون کی بالادستی قائم کرنے میں مدد کریں۔
