کراچی: پاکستانی ڈرامہ انڈسٹری کی معروف اداکارہ سجل علی کی کالی ساڑھی میں ملبوس تصاویر سوشل میڈیا پر وائرل ہوگئیں۔
تفصیلات کے مطابق اداکارہ سجل علی نے گزشتہ روز اپنی دوست اداکارہ سعدیہ غفار اور حسن حیات خان کی ولیمے کی تقریب میں کالی ساڑھی پہن کر شرکت کی جس کی تصاویر سوشل میڈیا پر وائرل ہوگئیں۔
تصاویر میں دیکھا جاسکتا ہے کہ سجل علی کالی ساڑھی میں بہت خوبصورت دکھائی دے رہی ہیں، مداحوں کی جانب سے بھی سجل علی کی تصاویر کو پسند کیا جارہا ہے۔
واضح رہے کہ اداکارہ سعدیہ غفار اور حسن حیات خان 2 مارچ کو رشتہ ازدواج میں منسلک ہوئے تھے، سجل علی نے اداکارہ کی ڈھولکی کی تقریب میں بھی شرکت کی جس کی ویڈیوز وائرل ہوگئی تھیں۔
یاد رہے کہ اداکارہ سجل علی اور احد رضا میر بھی چند روز بعد شادی کے بندھن میں بندھ جائیں گے، سجل علی اور احد رضا کی جانب سے شادی کے دعوت نامے تقسیم کرنے کا سلسلہ جاری ہے۔
اداکارہ سجل علی کے نجی ٹی وی چینلز پر دو مقبول ڈرامے نشر کیے جارہے ہیں۔
