استنبول : ترکی کے طلباء نے کورونا وائرس کی تشخیص کیلئے انتہائی جدید طریقہ تلاش کرلیا صرف مخصوص آواز کی مدد سے متاثرہ شخص کی نشاندہی ہوسکے گی۔
تفصیلات کے مطابق ترکی کی ایک یونیورسٹی نے اسٹیتھو اسکوپ کے ذریعے ایک مخصوص آواز سننے پر کورونا وائرس کا پتہ چلانے کا کامیاب تجربہ کیا ہے۔
بوغازیشی یونیورسٹی کے محققین نے یہ دعویٰ کیا ہے کہ اسٹیتھو اسکوپ کو آرٹیفیشل انٹلی جنس کے ذریعے پھیپھڑوں کی بیماری اور کورونا وائرس کا پتہ لگایا جاسکتا ہے۔
واضح رہے کہ گزشتہ ماہ کے مقابلے میں ترکی میں رپورٹ ہونے والے کرونا کیسز اور اموات کی شرح میں نمایاں کمی ریکارڈ کی گئی ہے۔
ترک وزارت صحت کے مطابق ملک میں وائرس کے مزید ایک ہزار 944 کیسز کی تصدیق ہوئی ہے جس کے بعد وائرس سے متاثرہ افراد کی مجموعی تعداد ایک لاکھ 33ہزار 721 ہوگئی ہے جبکہ اب تک 82ہزار 984 افراد وائرس سے صحتیاب ہو چکے ہیں۔
