نئی دہلی: قومی کرکٹر شعیب ملک اور ان کی اہلیہ بھارتی ٹینس اسٹار ثانیہ مرزا کے بیٹے اذہان مرزا ملک کی دلچسپ ویڈیو وائرل ہوگئی۔
تفصیلات کے مطابق بھارتی ٹینس اسٹار ثانیہ مرزا نے اپنے بیٹے اذہان مرزا ملک کے انسٹاگرام اکاؤنٹ پر ویڈیو شیئر کی جو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ اذہان مرزا ملک رقص کرتے ہوئے نظر آرہے ہیں، انہوں نے کیپشن لکھا کہ ’بیڈ پر سونے سے پہلے رقص سے بہتر کچھ نہیں۔‘
واضح رہے کہ اس سے قبل ثانیہ مرزا اور ان کے بیٹے اذہان مرزا ملک کرونا کے باعث قرنطینہ میں تھے اور شعیب ملک بھی سیالکوٹ میں ازخود تنہائی اختیار کی ہوئی تھی۔
شعیب ملک پانچ ماہ سے اپنی فیملی سے دور تھے جس کے بعد انہوں نے پی سی بی خصوصی درخواست کی تھی کہ وہ دورہ انگلینڈ سے قبل اپنی اہلیہ اور بچے کے ساتھ وقت گزارنا چاہتے ہیں۔
ان دنوں شعیب ملک انگلینڈ میں قومی ٹیم کے ساتھ موجود ہیں جہاں پاکستان اور انگلینڈ کی ٹیمیں تین ٹیسٹ اور تین ٹی ٹوینٹی میچز میں مدمقابل ہوں گی۔
