مانچسٹر: پاکستان اور انگلینڈ کے درمیان کھیلے جانے والے پہلے ٹی 20 میچ میں فاسٹ بولر محمد عامر بڑی غلطی کر بیٹھے۔
تفصیلات کے مطابق مانچسٹر میں کھیلے جانے والے پہلے ٹی 20 میچ میں فاسٹ بولر محمد عامر کرونا ایس او پیز فالو کرنا بھول گئے اور بولنگ کے دوران غلطی سے گیند پر تھوک لگادیا۔
وائرل ویڈیو میں دیکھا جاسکتا ہے کہ محمد عامر رن اپ پر جاتے ہوئے گیند کو تھوک لگا کر چمکا رہے ہیں۔
Mohammad Amir’s about to do another 5 years in the gulag pic.twitter.com/BJ0zaMcOTO
— Essex League Cricketer (@EssexLeague1) August 28, 2020
واضح رہے کہ پاکستان اور انگلینڈ کے درمیان پہلا ٹی ٹوینٹی میچ بارش کے باعث بغیر کسی نتیجے کے ختم کردیا گیا تھا، انگلینڈ نے پہلی اننگز میں 6 وکٹوں پر 131 رنز بنائے تھے جب بارش شروع ہوئی۔
فاسٹ بولر محمد عامر نے میچ میں 2 اوورز کیے اور 14 رنز دے کر کوئی وکٹ حاصل نہیں کرسکے۔
یاد رہے کہ اس سے قبل ویسٹ انڈین کپتان جیسن ہولڈر ٹاس کے دوران ایس او پیز فالو کرنا بھول گئے تھے اور انگلش آل راؤنڈر بین اسٹوکس سے ہاتھ ملا لیا تھا۔
