اسلام آباد: وزیراعظم عمران خان نے کہا ہے کہ ایف اےٹی ایف سےمتعلق اپوزیشن اوربھارت ایک پیج پرہیں، اپوزیشن صرف اپنی کرپشن بچانےکیلئےملک کونقصان پہنچارہی ہے۔
تفصیلات کے مطابق وزیراعظم عمران خان کی زیرصدارت حکومتی و پارٹی ترجمانوں کا اجلاس جس میں وزیرخارجہ شاہ محمود نے ایف اے ٹی ایف قانون سازی میں اپوزیشن کےکردار پر گفتگو کی۔
ترجمانوں کو کراچی ٹرانسفارمیشن پلان سےمتعلق بریفنگ دی گئی جب کہ اجلاس میں نوازشریف کی واپسی سےمتعلق حکومتی اقدامات پر بھی بریف کیا گیا۔
اجلاس سے خطاب میں وزیراعظم نے کہا کہ انسانی ہمدردی کی بنیاد پر نواز شریف کو باہرجانےکی اجازت دی مگر حکومت احتساب کےمنشورپرسمجھوتہ نہیں کرےگی۔
وزیراعظم نے ایف اےٹی ایف پر اپوزیشن کا کردار قوم کےسامنےرکھنےکی ہدایت کرتے ہوئے کہا کہ اپوزیشن نے حکومت کوبلیک میل کرنےکیلئےقانون سازی روکی، ایف اےٹی ایف سےمتعلق اپوزیشن اوربھارت ایک پیج پرہیں اور بھارت کی کوشش ہےپاکستان بلیک لسٹ میں شامل ہو۔
وزیراعظم نے کہا کہ ہرجمہوریت میں اپوزیشن کاملک کےلیےاہم کردارہوتاہے، اپوزیشن اینٹی منی لانڈرنگ قانون میں ذاتی مفادکی ترامیم چاہتی ہے، اپوزیشن کس طرح ذاتی مفادات کوقومی مفادپرترجیح دےرہی ہے؟
