کراچی: پی ایس ایل 6 کے دسویں میچ میں پشاور زلمی نے اسلام آباد یونائیٹڈ کو 6 وکٹوں سے شکست دے دی۔
تفصیلات کے مطسابق پشاور زلمی نے اسلام آباد یونائیٹڈ کی جانب سے دیا جانے والا 119 رنز کا ہدف 18 ویں اوور میں 4 وکٹوں کے نقصان پر حاصل کرلیا، ٹام کوہلر 46 رنز بنا کر نمایاں رہے۔
شعیب ملک 29 اور ردرفورڈ 6 رنز بنا کر ناٹ آؤٹ رہے، حیدر علی 36 رنز پر حسن علی علی کو وکٹ دے بیٹھے۔
Zalmi’s young star is lighting up the pitch. Sheer beauty #MatchDikhao l #HBLPSL6 I #PZvIU pic.twitter.com/jVSpKywipF
— PakistanSuperLeague (@thePSLt20) February 27, 2021
پشاور زلمی کے اوپنر کامران اکمل اور امام الحق خاطر خواہ کارکردگی نہ دکھا سکے، دونوں کھلاڑی بالترتیب 3 اور صفر پر پویلین لوٹ گئے۔
Comes naturally to @iamhaideraly #MatchDikhao l #HBLPSL6 I #PZvIU pic.twitter.com/nreds41huq
— PakistanSuperLeague (@thePSLt20) February 27, 2021
اسلام آباد یونائیٹڈ کی جانب سے حسن علی نے دو، محمد وسیم اور فواد احمد نے ایک، ایک وکٹ حاصل کی۔
Resilient as always, @bachaji23 finally trapped Tommy K-C #MatchDikhao l #HBLPSL6 I #PZvIU pic.twitter.com/Q7pdcX70AX
— PakistanSuperLeague (@thePSLt20) February 27, 2021
قبل ازیں اسلام آباد یونائیٹڈ کی 118 رنز پر ڈھیر ہوگئی اور زلمی کو جیت کے لیے 119 رنز کا ہدف دیاتھا، زلمی کے کپتان وہاب ریاض نے چار کھلاڑیوں کو پویلین کی راہ دکھائی۔
الیکس ہیلز نے 41 رنز کی اننگز کھیلی، حسین طلعت 22 اور آصف علی 19 رنز بناسکے، افتخار احمد 7 رنز بنا کر پویلین لوٹ گئے۔
Bowled out ☝🏼#MatchDikhao l #HBLPSL6 l #PZvIU pic.twitter.com/mXaUve5Aba
— PakistanSuperLeague (@thePSLt20) February 27, 2021
شاداب خان کو 6 رنز پر امام الحق نے رن آؤٹ کیا، فہیم اشرف 2 رنز بناسکے، فل سالٹ 9 اور پال اسٹرلنگ صرف ایک رن بناسکے۔
پشاور زلمی کی جانب سے وہاب ریاض نے 4 کھلاڑیوں کو پویلین کی راہ دکھائی، ثاقب محمود نے تین وکٹیں حاصل کیں۔
The skipper claims his second ✌🏼#MatchDikhao l #HBLPSL6 l #PZvIU pic.twitter.com/BZfL9MgrHW
— PakistanSuperLeague (@thePSLt20) February 27, 2021
اس سے قبل پشاور زلمی کے کپتان وہاب ریاض نے ٹاس جیت کر اسلام آباد یونائیٹڈ کو پہلے بیٹنگ کی دعوت دی تھی۔
پشاور زلمی کی ٹیم میں کوئی تبدیلی نہیں کی گئی ہے جبکہ اسلام آباد یونائیٹڈ کی ٹیم میں دو تبدیلیاں کی گئی ہیں، یونائیٹڈ کے اسکواڈ میں پال اسٹرلنگ اور اسپنر فواد احمد کو شامل کیا گیا۔
زلمی کے کپتان وہاب ریاض کا کہنا تھا کہ اسلام آباد یونائیٹڈ کو کم اسکور پر آؤٹ کرنے کی کوشش کریں گے جبکہ شاداب خان کا کہنا تھا کہ وکٹ اچھی ہے کوشش کریں گے زلمی کو بڑا ہدف دیں۔
واضح رہے کہ اسلام آباد یونائیٹڈ نے ابتدائی دونوں میچز میں کامیابی حاصل کی تھی جبکہ پشاور زلمی نے تین میچز کھیلے ہیں جن میں سے دو میچز کامیابی ہوئی اور ایک میں ناکامی کا سامنا کرنا پڑا۔
اسکواڈ
After last night’s thriller, @PeshawarZalmi are back in action today and have won the toss. Playing XIs mulahiza farmayen! #MatchDikhao l #HBLPSL6 l #PZvIU pic.twitter.com/Dg4rokfppd
— PakistanSuperLeague (@thePSLt20) February 27, 2021
