کراچی: شہر میں عیدالفطر کےموقع پرامن و امان کی صورتحال کو برقرار رکھنے کے لئے ڈبل سواری پر پابندی عائد کردی گئی ہے۔
ذرائع کے مطابق فیصلہ وزارت ِ داخلہ نے قانون نافذ کرنے والے اداروں کی امن و امان سے متعلق درخواست کو پیشِ نظر رکھتے ہوئے کیا گیا۔
ڈبل سواری پر پابندی فی الفور عائد کی گئی ہے اور وزارت ِ داخلہ کے جاری کردہ نوٹیفیکیشن کے مطابق پابندی یکم اگست کی رات بارہ بجے تک عائد رہے گی۔
- Advertisement -
واضح رہے کہ شہر میں قانون کی رٹ قائم کرنے کے لئے پولیس اور رینجرز گزشتہ دس ماہ سے آپریشن جاری ہے اور اس دوران اہم مواقع پر ڈبل سواری پر پابندی عائد کی جاتی رہی ہے لیکن اس سے شہر میں جرائم کی سطح پر کبھی کوئی فرق نہیں پڑا البتہ عوام ضرور مشکلات کا شکار ہوجاتے ہیں۔
