یوکرین میں ایک شخص نے جمے ہوئے دریا سے لڑکے کو نکالنے کے لیے نہایت انوکھا طریقہ استعمال کیا جس کی ویڈیو سوشل میڈیا پر وائرل ہوگئی۔
سوشل میڈیا پر وائرل ڈیڑھ منٹ کی اس ویڈیو میں دیکھا جاسکتا ہے کہ ایک لڑکا دریا کے بیچوں بیچ برف کے تیرتے ہوئے ٹکڑے پر کھڑا ہے اور پریشان ہے کہ اب کنارے تک کیسے جائے۔
رچرڈ گورڈا نامی یہ شخص وہاں مچھلیوں کے شکار کے لیے پہنچا جب اس نے یہ منظر دیکھا۔
اس نے لڑکے کو کنارے تک لانے کے لیے نہایت انوکھا طریقہ استعمال کیا، رچرڈ نے مچھلی پکڑنے والے کانٹے کو برف کے ٹکڑے میں پھنسایا اور اسے آہستہ آہستہ اپنی طرف کھینچنے لگا۔
اس دوران وہ لڑکے سے کہتا رہا، حرکت مت کرو، اپنی جگہ کھڑے رہو۔
اس طرح وہ لڑکے کو بحفاظت کنارے تک لے آیا، سوشل میڈیا پر یہ ویڈیو وائرل ہونے کے بعد رچرڈ کی حاضر دماغی کی بے حد تعریف کی جارہی ہے۔
Comments
- Advertisement -
