لاہور: پاکستانی ڈرامہ انڈسٹری کے سینئر اداکار نعمان اعجاز نے انسان کو دنیا کی سب سے خطرناک جاندار چیز قرار دے دیا۔
نعمان اعجاز نے سماجی رابطے اور فوٹو ویڈیو شیئرنگ پلیٹ فارم انسٹاگرام پر اپنی ایک تصویر پوسٹ کی، جس کے ساتھ انہوں نے معنی خیز پیغام بھی لکھا۔
انہوں نے لکھا کہ ’دنیا کی تمام چاندار اشیا میں سب سے زیادہ خطرناک چیز انسان ہے، جو کسی کو نہیں بخشے گا‘۔
View this post on Instagram
نعمان اعجاز نے اس پوسٹ کے آخر میں اللہ تعالیٰ سے دعا مانگتے ہوئے لکھا کہ ’اللہ تعالیٰ ہم سب کو ہدایت دے‘۔
واضح رہے کہ نعمان اعجاز اکثر سوشل میڈیا پر دلچسپ اور معنی خیز پیغامات شیئر کرکے مداحوں کے دلوں میں گھر کرلیتے ہیں۔
چار روز قبل نعمان اعجاز نے اپنے انسٹاگرام اکاؤنٹ پر کرونا ویکسین لگوانے کی ویڈیو شیئر کرتے ہوئے سب سے اپیل کی تھی کہ وہ ویکسین سے متعلق افواہوں پر کان نہ دھریں اور جاکر ویکسین لگوائیں‘۔
View this post on Instagram
انہوں نے تمام لوگوں کو بتایا تھا کہ ’ویکسین آپ اور آپ کے پیاروں کو محفوظ رکھ سکتی ہے، اللہ ہم سب پر اپنی رحمت فرمائے‘۔
