اسلام آباد: صدرِ مملکت ڈاکٹر عارف علوی نے بیرونِ ملک میں مقیم پاکستانیوں کی شکایات حل کرنے کے لیے خصوصی سیل تشکیل دینے کی ہدایت کردی۔
اے آر وائی نیوز کے مطابق صدر ڈاکٹرعارف علوی نے وفاقی محتسب سیکریٹریٹ اسلام آباد کا دورہ کیا، جہاں وفاقی محتسب طاہرشہباز نے وفاقی محتسب کےکردار اور کارکردگی پر صدرِ مملکت کو تفصیلی بریفنگ دی۔
صدر مملک کو بریفنگ دی گئی کہ ’میڈیا آگاہی مہم سے شکایات کی تعدادمیں خاطرخواہ اضافہ دیکھا گیا سال 2020 میں 82 فیصد زیادہ شکایات موصول ہوئیں، جن میں سے 99.6 پر عمل درآمد ہوا جبکہ 74 فیصد کا ازالہ کیا گیا‘۔
طاہر شہباز نے بتایا کہ 2020 میں 1 لاکھ 30 ہزار 112 شکایات کو حل کیا گیا جبکہ 2019 میں یہ تعداد 74 ہزار 892 تھی۔
President Dr. Arif Alvi visited Federal Ombudsman Secretariat, Islamabad where he was briefed on the role of Wafaqi Mohtasib.
The President called for revisiting the laws governing the institution of Wafaqi Mohtasib to provide speedy and free-of-cost justice to the people. pic.twitter.com/988vLAFU8p
— The President of Pakistan (@PresOfPakistan) June 15, 2021
بریفنگ میں بتایا گیا کہ ’ایبٹ آباد،خاران میں لوگوں کو مفت انصاف کی فراہمی کیلئے علاقائی دفاتر کا قیام عمل میں لایا گیا، آن لائن شکایات کی تعدادمیں7 گنا اضافہ ہوا، سال 2020 تک آن لائن شکایات کی تعداد 77 ہزار 930 تک پہنچ گئی تھی۔
صدرِ مملکت نے کہا کہا ’وفاقی محتسب کو فعال اور مضبوط بنانےکیلئے قوانین پرنظرثانی کی ضرورت ہے، بیرون ملک پاکستانیوں کی شکایت کے حل کیلئےخصوصی سیل تشکیل دیا جائے،عوام کوبلامعاوضہ انصاف فراہمی کیلئے وفاقی محتسب اپنا دائرہ مزید وسیع کرے‘۔
The President appreciated the performance and contributions of the Ombudsman in redressing the record number of complaints and dispensing justice to the aggrieved persons against administrative injustices.
— The President of Pakistan (@PresOfPakistan) June 15, 2021
ڈاکٹر عارف علوی کا کہنا تھا کہ ’مفت انصاف کی فراہمی پر وفاقی محتسب کےبارےمیں شعور اجاگر کرنے کی ضرورت ہے، وفاقی محتسب سیکرٹریٹ کو ایوان صدر کے ساتھ مربوط کرنے کی ضرورت ہے،ڈیجیٹل روابط سے شکایات کے ازالے، وقت، رقم کی بچت میں مدد ملے گی‘۔
