مکہ المکرمہ : سعودی وزارت حج و عمرہ نے عمرہ،زیارت، نماز کیلئے مسجد نبوی آنے کے لیے درخواست دینے کی اجازت دے دی ہے کورونا ویکسین لگانا لازمی قرار دے دیا گیا۔
تفصیلات کے مطابق سعودی شہری اب عمرہ، زیارت، نماز کے اجازت نامے کیلئے درخواست دے سکیں گے، درخواست مکمل کورونا ویکسی نیشن کرانے والے12سال زائد عمر کےافراد دے سکتے ہیں۔
سعودی وزارت حج و عمرہ نے خبردار کیا ہے کہ شہری تمام تر احتیاطی تدابیر اور ایس او پیز کی لازمی پابندی کریں بصورت دیگر قانونی کارروائی عمل مین لائی جائے گی۔
- Advertisement -
عرب میڈیا کے مطابق سعودی وزارت حج و عمرہ کا کہنا ہے کہ مسجد الحرام میں نماز، عمرہ اور مسجد نبوی میں زیارت کے اجازت نامے مشروط جاری کیے جائیں گے۔
یہ اجازت نامے ان امیدواروں کو دیے جائیں گے جو کورونا ویکسین کی دونوں ڈوز لگوا چکے ہوں گے یا پہلی ڈوز پر 14 دن گزر چکے ہوں گے۔
