تازہ ترین

چینی باشندوں کی سیکیورٹی کیلیے آزاد کشمیر میں ایف سی تعینات کرنے کا فیصلہ

آزاد کشمیر میں امن وامان کی صورتحال برقرار رکھنے...

ملک سے کرپشن کا خاتمہ، شاہ خرچیوں میں کمی کریں گے، وزیراعظم

وزیراعظم شہباز شریف نے کہا ہے کہ کھربوں روپے...

امریکا نے دہشتگردی سے نمٹنے کیلیے پاکستانی اقدامات کی حمایت کر دی

امریکا نے دہشتگردی سے نمٹنے کے لیے پاکستان کے...

آج پاکستان سمیت دنیا بھر میں عالمی یوم مزدور منایا جا رہا ہے

آج پاکستان سمیت دنیا بھر میں عالمی یوم مزدور...

پیٹرولیم مصنوعات کی قیمتوں میں کمی کا اعلان

وزیراعظم شہبازشریف نے پیٹرولیم مصنوعات کی قیمتوں میں کمی...

عاشورہ کے بعد افغانستان کے ہمسائیوں سے رابطہ کروں گا: وزیر خارجہ

ملتان: وزیر خارجہ شاہ محمود قریشی کا کہنا ہے کہ افغانستان کے اندرونی معاملات میں مداخلت نہ کبھی کی، نہ ہی کرنے کا ارادہ ہے، ہمارا افغانستان میں کوئی فیورٹ نہیں ہے۔

تفصیلات کے مطابق وزیر خارجہ شاہ محمود قریشی کا کہنا ہے کہ پاکستان ہمیشہ سے کہتا آیا ہے کہ افغانستان کے مسئلے کا عسکری حل نہیں، پاکستان کے مؤقف کو دنیا نے تسلیم کیا ہے۔ دنیا اور پاکستان اس وقت ایک صفحے پر ہیں، افغانستان کا مسئلہ مذاکرات کے ذریعے حل کیا جائے۔

وزیر خارجہ کا کہنا تھا کہ یہ افغان قیادت کی آزمائش کے لمحات ہیں، افغان عوام امن اور استحکام چاہتے ہیں، پاکستان افغان امن عمل کا حصہ رہا ہے، پاکستان نے ہمیشہ ایک مثبت کردار ادا کرنے کی کوشش کی ہے۔

انہوں نے کہا کہ وزیر اعظم کی اجازت سے عاشورہ کے بعد افغانستان کے ہمسائیوں سے رابطہ کروں گا، اطلاع ملی ہے کہ برطانیہ کے وزیر خارجہ مجھ سے رابطہ کر رہے ہیں، انشا اللہ آج شام برطانیہ کے وزیر خارجہ سے بات چیت بھی ہوگی، افغانستان کے اہم رہنماؤں کا وفد عنقریب پاکستان تشریف لا رہا ہے۔

وزیر خارجہ کا کہنا تھا کہ افغانستان کے اندرونی معاملات میں مداخلت نہ کی، نہ ہی کرنے کا ارادہ ہے، ہمارا افغانستان میں کوئی فیورٹ نہیں ہے۔ افغانستان کے مستقبل کا فیصلہ افغانوں نے کرنا ہے۔ افغانستان سے کوئی پاکستانی یا کوئی اور باہر جانا چاہے تو پاکستان سہولت دے سکتا ہے۔

انہوں نے کہا کہ پاکستان کا کام مائیکرو مینجمنٹ نہیں ہے، پاکستان کا کام عالمی سوچ میں رہتے ہوئے امن پر توجہ دینا ہے۔ پاکستان نے ہمیشہ امن کے لیے سہولت کار کردار ادا کیا آئندہ بھی کریں گے۔ ہم نے مہاجرین کو عزت دی اور پاکستان میں جگہ دی۔

وزیر خارجہ کا مزید کہنا تھا کہ اس وقت کوئی اضافی افغان مہاجرین پاکستان نہیں آئے، افغانستان کے ساتھ بارڈر کی فینسنگ کی ہے، ریگولیٹ سسٹم لگائے ہیں۔ پاکستان نے اپنی سرحد کے اندر خاطرخواہ ڈپلائمنٹ بھی کی ہے۔

وزیر خارجہ کا کہنا تھا کہ صورتحال واضح ہونے پر پاکستان زمینی حقائق دیکھ کر مفاد میں فیصلہ کرے گا۔

Comments

- Advertisement -