ہالی ووڈ کی مقبول ترین فلم فرنچائز فاسٹ اینڈ فیورس کا دسواں حصہ سنہ 2023 میں ریلیز کیا جائے گا، فلم کی شوٹنگ اگلے برس شروع ہوگی۔
امریکی میڈیا کے مطابق ہالی ووڈ فلم فاسٹ اینڈ فیورس 10 سنہ 2023 میں سینما گھروں کی زینت بنے گی۔
ہالی ووڈ کی مقبول ترین فلم فرنچائز فاسٹ اینڈ فیورس کا نواں حصہ ایف 9 جولائی میں ریلیز کیا گیا تھا جس نے 600 ملین ڈالر سے زائد کمائی کی۔
- Advertisement -
ایف 9 کو مئی 2020 میں ریلیز کیا جانا تھا لیکن کرونا وائرس کے باعث اس کی نمائش ملتوی کردی گئی تھی۔
بعد ازاں رواں برس سینما گھر کھلنے کے بعد پہلی پیش کی جانے والی فلم ایف 9 بنی جس نے امریکی سنیما گھروں کا شاندار افتتاح کیا اور شائقین کے دل جیت لیے۔
اب اس سلسلے کی دسویں فلم سنہ 2023 میں ریلیز کی جائے گی، اس کی شوٹنگ آئندہ سال کی جائے گی اور فلم کے ڈائریکٹر جسٹن لین ہیں۔
