نئی دہلی: بھارت میں مبینہ طور پر نشے میں دھت خاتون ماڈل کی فوج کی گاڑی پر حملہ کرنے اور سڑک پر ہنگامہ کرنے کی ویڈیو سوشل میڈیا پر وائرل ہوگئی۔
بھارتی میڈیا رپورٹ کے مطابق ریاست گوالیار میں مبینہ طور پر نشے میں دھت 22 سالہ خاتون ماڈل نے فوج کی گاڑی پر حملہ کیا اور ہنگامہ برپا کردیا۔
پولیس کے مطابق دہلی سے آنے والی ماڈل مبینہ طور پر نشے میں دھت تھی اور اس نے فوج کی گاڑی کو روک کر اس پر حملہ کیا۔
ویڈیو میں دیکھا جاسکتا ہے کہ لڑکی بار بار فوج کی گاڑی کو لاتیں مار رہی ہے، خاتون ماڈل نے گاڑی کی ہیڈ لائٹ کو نقصان پہنچایا اور فوجی اہلکار کو دھکے بھی دیتی رہی۔
An allegedly drunk 22-year-old model attacked an Army vehicle and created a ruckus in Gwalior on Wednesday night, Police said here on Thursday. the model, who came from Delhi allegedly created a ruckus on the road under the influence of alcohol and stopped Army Vehicle. #gwalior pic.twitter.com/dFUZgwkL5p
— Krrish Rajpurohit 🇮🇳 (@EimKrrish) September 9, 2021
رپورٹ کے مطابق واقعے کی اطلاع مقامی تھانے میں دی گئی جہاں سے ایک خاتون پولیس اہلکار ماڈل کو تھانے لے گئی۔
پولیس کا کہنا ہے کہ فوج کی جانب سے لڑکی کے خلاف کوئی شکایت نہیں کی گئی، لڑکی کا میڈیکل ٹیسٹ کروایا گیا ہے، رپورٹ آنے کے بعد مزید کارروائی عمل میں لائی جائے گی۔
مقامی لوگوں کا کہنا ہے کہ دہلی سے تین لڑکیاں گوالیار آئی تھیں ان میں سے ایک لڑکی نے سڑک پر ہنگامہ برپا کردیا، لڑکی کے ساتھ موجود دو لڑکیاں رہائی کے لیے تھانے پہنچ گئیں بعدازاں پولیس نے اسے ضمانت پر رہا کردیا۔
