کراچی: اے آروائی نیٹ ورک کے صدر و سی ای او اور کراچی کنگز کے مالک سلمان اقبال نے نیوزی لینڈ کرکٹ ٹیم کی اچانک پاکستان سے واپسی پر ردعمل دیتے ہوئے کہا ہے کہ پاکستان کے پاس دنیا کی بہترین سیکیورٹی فورسز ہیں۔
پاکستان سپرلیگ کی فرنچائز کراچی کنگز کے مالک سلمان اقبال نے کہا کہ ’پاکستان کے پاس دنیا کی بہترین سیکیورٹی فورسز ہیں، جنہوں نے پی ایس ایل کے دوران بہترین سیکیورٹی فراہم کی‘۔
انہوں نے کہا کہ ’پی ایس ایل میں بین الاقوامی کھلاڑیوں نے پاکستان میں بہترین وقت گزارا، میچز کے دوران اسٹیڈیم بھرے ہوئے تھے اور کوئی ناخوشگوار واقعہ بھی پیش نہیں آیا‘۔
Pak has the best security forces in the world, I am a witness to how security was provided in PSL. Int players visited Pak and had great moments during PSL. Stadiums were full and not a single incident happened. Cricket is close to our❤️, there are no sec issues here #PakisSafe pic.twitter.com/1lrsLpcjCq
— Salman Iqbal ARY (@Salman_ARY) September 19, 2021
انہوں نے کہا کہ ’کرکٹ ہمارے دلوں کے قریب ہے، پاکستان میں سیکیورٹی کا کوئی مسئلہ نہیں ،بین الاقوامی کھلاڑیوں نے عظیم پاکستانی قوم کی میزبانی کی تعریف کی ،کرکٹ پاکستان میں آچکی ہے۔ اس طرح کی حرکتیں ہمارے حوصلے پست نہیں کرسکتیں‘۔
یاد رہے کہ دو روز قبل نیوزی لینڈ کی ٹیم نے سیکیورٹی خدشات کو بنیاد بنا کر میچ سے کچھ دیر قبل سیریز ملتوی کر کے واپس جانے کا اعلان کیا تھا، ایک روز قبل کیویز چارٹرڈ طیارے کے ذریعے اسلام آباد سے یو اے ای کے لیے روانہ ہوئے، اس دوران انہیں ہوٹل سے ایئرپورٹ اور جہاز تک سخت سیکیورٹی میں رکھا گیا۔
All our international players were out and about Pre covid in #karachi and they loved the hospitality of this great nation. You can try but it won’t work . Cricket is back to pakistan and these stunts won’t demoralise us. #PakistanIsSafeforEveryone pic.twitter.com/9IddAIEWN8
— Salman Iqbal ARY (@Salman_ARY) September 19, 2021
