ماسکو : روس کی پرم اسٹیٹ یونیورسٹی میں نامعلوم شخص نے فائرنگ کرکے 8 افراد کو ہلاک کردیا جب کہ چھ افراد زخمی ہیں۔
تفصیلات کے مطابق روس کے شہر پرم میں واقعے یونیورسٹی میں نامعلوم شخص نے اچانک فائرنگ شروع کردی جس کے باعث متعدد افراد زخمی ہوگئے۔
واقعے کی اطلاع ملنے پر پولیس نے علاقے کو گھیرے میں لے لیا ہے تاہم حملہ آور تاحال یونیورسٹی میں موجود ہیں جس سے متعلق سیکیورٹی فورسز کا خیال ہے کہ وہ یونیورسٹی کا ہی طالب علم ہے۔
ملزم کی فائرنگ سے اب تک آٹھ افراد زندگی کی بازی ہار چکے ہیں، کچھ طلبا نے اپنی جان بچانے کےلیے خود کو آڈیٹوریم کی عمارت میں بند کرلیا ہے جب کہ متعدد طلبا و طالبات نے کھڑیو سے کود کر اپنی جان بچائی۔
واقعے کی ویڈیو سوشل میڈیا پر بھی وائرل ہورہی ہے جس میں ایک شخص کو ہاتھ میں بندوق تھامے آگے کی جانب بڑھتے دیکھا جاسکتا ہے جب کہ دیگر ویڈیوز میں طالب علم جان بچاکر فرار ہوتے نظر آرہے ہیں۔
غیر ملکی میڈیا کا کہنا ہے کہ تاحال ملزم گرفتار یا ہلاک نہیں ہوسکتا ہے اور نہ فائرنگ کی وجوہات کا علم ہوسکا ہے۔
