لندن: برطانیہ میں لاعلمی کے باعث ٹرک ڈرائیور کار کو گھسیٹتا ہوا سیکڑوں فٹ دور لے گیا، واقعے کے مناظر کیمرے کی آنکھ میں قید ہوگئے۔
غیرملکی خبررساں ادارے کی رپورٹ کے مطابق بارش کے نتیجے میں سڑک پر پھسلن کے سبب کار ٹرک کے سامنے حصے پر اٹک گئی تھی، خوش قسمتی سے کار میں کوئی سوار نہیں تھا۔
ٹرک بارش کے دوران پھسلنے والی گاڑی کو سینکڑوں فٹ تک گھسیٹ کر لے گیا۔
لاعلم ڈرائیور کو ٹرک کے آگے پھنسی گاڑی کا اندازہ دوسرے ڈرائیوروں کی جانب سے توجہ دلانے پر ہوا بعد ازاں اس نے ٹرک روکا اور مناظر دیکھ کر خود بھی حیران رہ گیا۔
سوشل میڈیا پر وائرل ویڈیو میں دیکھا جاسکتا ہے کہ کس طرح ٹرک ڈرائیور بے دھیانی سے گاڑی چلا رہا ہے۔
مناظر میں دیکھا گیا کہ سڑک پر موجود دیگر گاڑیوں کے ڈرائیور ٹرک چلانے والے کو آگاہ کیا کہ اس کی گاڑی کے سامنے کوئی کار پھنسی ہے جس پر اس نے ٹرک روکا۔
