موسم سرما میں جہاں موسم بدل جاتا ہے وہیں ہمارے پہناووں میں بھی تبدیلی آجاتی ہے، ایسے میں خواتین کا میک اپ بھی کچھ تبدیل ہوتا ہے۔
اے آر وائی نیوز کے مارننگ شو باخبر سویرا میں میک اپ ایجوکیشنسٹ صدف جنید نے شرکت کی۔
انہوں نے بتایا کہ موسم سرما رنگوں کا موسم ہے جس میں پہناوے اور میک اپ گہرے رنگوں کے ہونے چاہیئے۔
- Advertisement -
صدف کا کہنا تھا کہ اس موسم میں جسم اور جلد کو نم رکھنے کی ضرورت ہے، اس حوالے سے اگر بے احتیاطی برتی جائے تو جلد خشک ہونے لگتی ہے چنانچہ جلد کو ہر وقت موئسچرائز رکھیں۔
انہوں نے کہا کہ موسم سرما میں جلد پھیکی معلوم ہونے لگتی ہے اس لیے بلش کا استعمال لازمی کریں۔
صدف کے مطابق اس موسم میں گہرے رنگوں کی لپ اسٹک آپ کی شخصیت کو مزید نکھار دے گی لہٰذا اس کا استعمال کریں۔
View this post on Instagram
